Aguesta modificacion s’a aprovat damb es vòts a favor deth govèrn municipau d’Unitat d’Aran, mentre que Convergéncia Aranesa s’a abstengut e Aran-Amassa a votat en contra.

Aguesta mesura permeterà amiar a tèrme importantes inversions entà desvolopar desparières milhores en servicis basics de tot eth municipi.

Destaquen:


- 1.200.000€ entara reforma dera Oficina Tecnica
- 933.000€ entà amiar a tèrme era milhora de diuèrsi carrèrs de Vielha
- 400.000€ entara milhora deth servici d’aigües en Camin de Casau e Carretèra de Gausac
- 400.000€ entara reabilitacion e milhora deth Palai de Gèu


"D’ençà der equip de govèrn municipau lamentam que des dera oposicion, Convergéncia Aranesa, qu’a estat un partit qu’a governat en quauqui viatges aguest consistòri en passat e, Aran-Amassa, non agen votat a favor d’ua modificacion de credit plan anauta coma era qu’auem aprovat e que supausarà ua grana escadença entà amiar a tèrme ua fòrta inversion en desparièrs airaus que garantiràn ua milhora des servicis basics e der estat des vies publiques deth conjunt deth municipi”, comente eth baile der Ajuntament de Vielha e Mijaran, Juan Antonio Serrano. E ahig que “serie fondamentau qu’auessen mès vision de municipi, e non sonque votar negativaments a prepauses que supausen ua milhora deth benéster de toti, e que deishèssen de pensar sonque en clau de partit”.


HÒNT: AJUNTAMENT DE VIELHA E MIJARAN