Es viatgèrs qu'escuelhen Espanha coma destinacion de torisme culturau a experimentat ua aumentacion deth 16% entre 2016 e 2019. Tanben an creishut 3,5% es toristes qu'apòsten per visitar musèus, monuments, glèises e pòbles. «Sabem qu'er auviatge istoric e artistic ei un iman d'atraccion de toristes», a dit Valdés, en tot ahíger que "se s'invertís en auviatge çò que se hè ei refortilhar er atractiu toristic deth país e dera riquesa des destinacions».

Aguest nau programa d'inversions en auviatge istoric deth hilat de Paradores hè part deth Plan de Modernizacion e Competitivitat deth sector toristic o compausant 14 deth plan de Recuperacion, Transformacion e Resiliéncia deth govèrn espanhòu. En tot er Estat, Turespaña, proprietari des immòbles, invertirà 81,4 milions d'èuros en 39 BIC deth hilat de Paradores e eth conjunt monumentau nomentat "arrabal viejo' d'Alcalá la Real (Jaén). Eth sòn president, Miquel Sanz, a avalorat es hons europèus coma ua «oportunitat unica» entà realizar es melhores enes paradors e enriquir era experiéncia «singulara e genuina» as visitants.

Pera sua part, eth president des Paradores, Pedro Saura, a soslinhat eth besonh de preservar aguest auviatge e a afirmat qu'ei de besonh seguir en tot potencià'c e en tot conservà'c entà contunhar en tot èster aguest iman d'atraccion de torisme e generacion deth desvolopament locau.

HÒNT: VIURE ALS PIRINEUS