Eth Plen deth Conselh Generatu d'Aran a aprovat eth nau cartipàs dera institucion tàs pròplèus 4 ans. Un acte mercat pera designacion de naui responsables deuant des disparièrsi departaments e tanben mercat pera reduccion dera remuneracion economica des conselhèrs.

En aguest Plen, celebrat ena casa deth senhor d’Arròs, era conselhèra Maria Vergés a estat nomentada vicesindica prumèra e es conselhèrs Juan Antonio Serrano e Francisco Bruna, vicesindics dusau e tresau, respectivaments.

Eth Sindic d’Aran e era vicesindica auran dedicacion plea, mentre qu’era rèsta auran ua dedicacion parciau.

Per auta part, eth nau Govèrn d'Aran dejà ja començat a hèr es prumèrs passi entà establir contactes damb era Generalitat de Catalonha.

Ua agenda que se demore intensa en çò que tanh as ahèrs a tractar, e que mercarà naui ligams politics entre eth Govèrn d'Aran e eth de Catalonha.