Aguest maitin, er equip de govèrn de Vielha e Mijaran a recebut era visita deth Conselhèr dera Presidéncia dera Generalitat de Catalunya, Albert Dalmau.


Pendent era visita, Dalmau a signat en libre d'aunor, e s'a podut tractar es demanes e problematiques basiques qu'afècten ath municipi, coma son er accès ara viuenda e era milhora dera connectivitat deth Pirinèu, pr'amor qu'arraïtz der episòdi deth talh dera fibra optica patit en Nadau, s'a metut en evidéncia qu'ei de besonh qu'era Generalitat de Catalunya milhore es hilats deth territòri tà que non torne a passar, e evitar molésties e pèrtes econòmiques.

Atau madeish, Dalmau a informat deth Plan d'Inversions dera Generalitat de Catalunya ath mon locau entath periòde 2025-29 ath que s'i poderà acuélher Vielha e Mijaran.


HÒNT: AJUNTAMENT DE VIELHA E MIJARAN