Eth Conselh Generau d’Aran a presentat eth projècte de bastiment dera residencia geriatrica de Les, ath departament d’ahèrs sociaus dera Generalitat de Catalonha. Ena amassada qu’a agut lòc ena sedença deth Conselh en Vielha, era institucion a refermat aguest projècte que serà consorciat, damb finançament autant public coma privat. Des deth departament d’ahèrs sociaus dera Generalitat, vòlen qu’era Val d’Aran sigue eth prumèr camp  en Catalonha, a on se pogue implementar eth plan d’atencion intregau domiciliària.

Era residéncia a un pressupòst de 2.490.000€ finançadi peth Conselh Generau d’Aran, que supausarà era remodelacion totau der interior, a on sonque se mantierà era estructura. Aguesta installacion preten finalizar damb es listes de demora actuaus qu’existissen en airau geriatric.

Era residéncia de Les aurà capacitat tà 65 places, en tot acabar damb es listes de demora. Un viatge finalizat eth temps d’exposicion publica deth projècte executiu, eth Conselh treirà a concors es òbres de bastiment dera residéncia, qu’aurà d’èster prèsta en gèr de 2019.