Eth Conselh Generau destine 62.000€ entara consolidacion deth campanau dera glèisa de San Pèir de Gessa

31/08/2018

Eth Govèrn d’Aran a aprovat destinar 62.786€ as òbres entara consolidacion deth campanau dera glèisa de San Pèir de Gessa.

Era enterpresa encargada de realizar es trabalhs ei Transportes y Excavaciones Barba S.L.

Era glèisa de San Pèir de Gessa ei d'estructura originariament romanica sègles XII, XVI-XVIII. Era tor-campanau ei de planta independenta dera glèisa e quarrada, en tot subergésser un shinhau respècte era glèisa. Ath campanau s'accedís per ua petita pòrta que da ath cementèri. Era tampa ei de basa poligonau e finalize damb ua viròla metallica.

Era glèisa de San Pèir de Gessa conserve ath laguens eth Retaule dera Passion, as pès dera nau centrau, realizat en 1638 per Joan Brun de Bolonha en òli sus pan de paret, era pentura mural deth Diu Pair, plaçada en ua capèla dera epistola e realizada en sègle XVII e eth retaule barròc d'un Sant avesque, que poderie èster San Bertrand de Comminges.

HÒNT: CONSELH GENERAU D'ARAN

Laura Rodríguez