ACTUALITAT
Eth Conselh Generau d’Aran presente as direccions des escòles araneses eth nau Mapa Escolar dera Val d’Aran
15/06/2022
Atau e coma mèrque era Lei d’Aran, era aprobacion d’aguest Mapa Escolar facilitarà ath Conselh Generau d’Aran seguir trabalhant entà qu’era Val d’Aran esdevengue ua Zòna Educativa Especiau entà facilitar resòler es problematiques especifiques deth territòri, coma era designacion de professorat, era optimizacion des servicis de minjador e transpòrt o era especifictat dera Escòla Aranesa
Era conselhèra de Coneishement, Angelina Cases, presentèc era passada setmana as direccions des escòles araneses e ar inspector dera zòna eth nau Mapa Escolar dera Val d’Aran, pactat damb es ajuntaments aranesi e que mèrque quin ei er estudi de referéncia de cada mainatge o mainada segontes eth municipi en que sigue empadronat/da.
“Aguest Mapa Escolar, en quau deth Conselh Generau d’Aran auem trabalhat conjuntament damb es ajuntaments e escòles, resultaue fòrça de besonh entà establir oficiaument quin ei er estudi de referéncia entà cada municipi o pedania dera Val d’Aran” explicaue era conselhèra Cases.
Era creacion d’aguest Mapa Escolar, apuntaue era sindica d’Aran, “mos facilitarà poder seguir trabalhant entà qu’era Val d’Aran esdevengue ua zòna educativa especiau, ahèr en quau dejà trabalham deth govèrn deth Conselh Generau ençà, pr’amor qu’ei un dret que mos reconeish er article 55 dera Lei de Regim Especiau d’Aran e que mos facilitarà resòler es problematiques especifiques deth territòri, coma era designacion de professorat, era optimizacion des servicis de minjador e transpòrt o era especifictat dera Escòla Aranesa”.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga