Eth Conselh Generau d’Aran a prebotjat un an mès diuèrsi concorsi literaris e d’auti de mès nauedosi entà que petiti, joeni e adults, poguen impulsar era sua creativitat damb era lengua aranesa, e poder guanhar sòs en tot presentar-se ad aguestes pròves culturaus.

En aguest sens, en çò qu’a a veir damb un ahèr mès d’escriptura, destaque eth 35au Mossèn Condò Sambeat, qu’ei entara mainadèra des escòles o eth 25au Aran de Literatura, a on es prèmis arriben as 1.000 èuros e enes que i a categories coma era Narracion, novèlla juvenila o poesia. Ath delà tanben s’harà era 4au edicion deth concors de cuertmetratges e ua prumèra edicion coma ei eth concors de tik-tòc en aranés qu’a coma objectiu qu’es joeni deth territòri poguen emplegar era lengua enes hilats sociaus.

Eth tèrme entà presentar-se ad aguesta concorsi finalizarà a darreries deth mes d’abriu e s’autrejaràn es prèmis enes diuèrsi eveniments vinculadi ara hèsta d’Aran, en mes de junh.