Eth Conselh Generau d’Aran concedís uèit prèmis as Trabalhs de Recèrca en aranés presentadi pes estudiants der Institut d’Aran

01/06/2023

Aguesti prèmis an coma objectiu reconéisher era dedicacion des estudiants de bachelierat der Institut d’Aran en emplec dera lengua aranesa a nivèu academic

Eth passat diuendres auec lòc era cerimònia de graduacion des estudiants qu’an acabat eth Bachelierat en Institut d’Aran. En madeish acte, se hèren a conéisher es trabalhs de recerca en aranés presentadi enguan e as qu’eth govèrn deth Conselh Generau d’Aran a concedit es prèmis as TDR en aranés, damb era finalitat de reconéisher era dedicacion des estudiants en emplec dera nòsta lengua a nivèu academic.


En totau son 8 trabalhs -tres mès qu’en cors passat- damb qualificacions de notable e excellent, que contribuiràn ara difusion e dignificacion dera nòsta lengua:


- M’engüegi aciu embarrat!
- Desvolopament urbanistic ena Val d’Aran.
- Era superviuença d’un club aranés: Era U.E Bossòst.
 - Per qué i a escòles barrades enes pòbles?
- Es drògues enes adolescents.
- Hènt camin en un mon d’òmes.
- Çò que mos hè disparièrs.
- Evolucion e autogovèrn, dues paraules araneses.

Aguesti TdR les poiratz consultar ena web der aranés deth Conselh Generau d’Aran a compdar deth mes que ven.


HÒNT: CONSELH GENERAU D'ARAN 
Manu Moga