Eth Conselh Generau d’Aran presentarà un recors contenciós administratiu contra era Generalitat de Catalonha. Segontes considère er executiu aranés, er Acòrd Institucionau de gestion integrau d’emergéncies en Aran, aprovat en an 2019, s’aurie incomplit. 

En aguest sens, en acòrd de collaboracion entre es administracions se i estipule que pendent eth periòde de transicion entara implementacion deth modèl de gestion integrau d’Emergéncies, eth departament d’Interior catalan aportarà es veïculs de besonh entath servici des Pompièrs d’Aran. 

D’aguesta manèra, enquiara finalizacion d’aguest periòde de transicion, es veïculs que s’incorpòren ath servici des Pompièrs d’Aran seràn aqueridi peth departament d’Interior. En parallel, era Val d’Aran non n’a arrecebut cap. 

Des deth Conselh s’allegue que pendent es mesi de gèr e junh de 2020, era Generalitat aqueric 92 veïculs autobombes e 263 veïculs leugèrs destinadi ath còs de Bombers dera Generalitat, des quaus non n’a arribat cap tàs parcs de Pompièrs dera Val d’Aran.