Serrano a podut parlar damb lèu toti es partits dera cramba catalana, a exceptat de Junts per Catalunya e Partit Popular, mès a podut amassar-se damb eth baile popular de Badalona, Xavier Garcia Albiol, ciutat que coma Vielha tanben regule es pisi toristics.

 “Era situacion que viuem en Pirenèu en accès ar abitatge ei fòrça grèu, pr'amor que fòrça joeni e familhes que trabalhen en territòri non trapen un lòc abituau a on poder víuer. Fòrça gent se ve obligada a marchar e d'auti non pòden vier a trabalhar pera manca de viuenda digna”, se planh eth baile de Vielha e Mijaran, Juan Antonio Serrano. E ahig que “gràcies ath Decret Lei 3/2023 podem auançar entà trapar solucions en aguest ahèr, en tot establir un equilibri entre eth torisme e eth dret ar abitatge. Volem que toti es partits politics catalans siguen conscienti de quina ei era situacion que viuem, e per aquerò auem volut transméter era nòsta preocupacion de prumèra man”.


HÒNT: AJUNTAMENT VIELHA E MIJARAN