Pendent aguest fin de setmana s’a desvolopat era HOKA Val d’Aran by UTMB, er eveniment de trailrunning mès potent d’Espanha e un des mès reconeishudi a nivèu europèu e mondiau pr’amor de córrer jos eth sagèth UTMB.

Es pròves de longa distància s’inicièren damb era Peades d’Aigua damb ua excellenta meteorologia que permetèc as corredors gaudir d’ua grana jornada. Ena pròva de Camins de Hèr, succedic çò de madeish, totun a darrèra ora ua tempèsta hèc a neutralizar era pròva, mès se poguec acabar. Era que non finalizèc siguec era VDA, era mès longa, de mès de 150 quilomètres entà survelhar era seguretat de toti es participaires. Era organizacion decidic de suspéner era pròva mès s’otorguèren es “running stones” que son eth reconeishement tà poder accedir ath sortèig tà anar a Chamonix e es gratificacions economiques as prumèrs. A despiet d’açò, er ambient ath long deth fin de setmana siguec espectacular en tot compdar damb lèu 6000 corredors entre totes es gessudes fixant un nau record d’aguesta pròva e generant un gran impacte economic ara Val d’Aran.

Es milhors imatges se tornèren a víuer ena Val d’Aran ena hèsta deth trail running mondiau aguest fin de setmana ara demora de tornar a gaudir d’aguesta disciplina er an que ven un aute viatge.