Era Comission d’Urbanisme dera Val d’Aran a dat lum verda a lèu era totalitat deth projècte elaborat per Ajuntament de Naut Aran entath bastiment de viuendes entà temporèrs, trabalhadors e joeni que se volguen independizar.

Aguestes viuendes se harien ath cant deth parcatge de Baqueira 1500, un emplaçament privilegiat en tot auer en compde que fòrça des persones que vien a trabalhar en Naut Aran ac hèn en complèx de Baqueira Beret o enes negòcis ath sòn entorn.

Er Ajuntament a artenhut aguest vist-e-platz e ara sonque mancarà que ua enterpresa o gestora volgue hèr era explotacion d’aguesti immòbles.

Naut Aran ei actuauments er unic municipi dera Val qu’a desvolopat un projècte ambiciós de viuenda coma aguest que se some ara rèsta deth parc de viuenda municipau que bastirà enes pròplèu ans damb era creacion de viuendes en Garòs, qu’ei dejà acabada, Tredòs, e era Plaça dera Pica de Salardú.