Dempús de passar uns mesi de gèr, hereuèr e març sense torisme, a tornat er optimisme en sector dera ostalaria dera Val d’Aran. Pr’amor que tot apunte a qu’era aucupacion toristica en parçan serà bona pendent aguesti dies hestius de Setmana Santa.

Eth torista d’iuèrn que visite era Val d’Aran a estat tradicionauments eth provenent de Madrid e deth País Basc. Totun, aguesta Setmana Santa, a causa des restriccions de mobilitat, auram un visitant de proximitat.

Pera sua part, Baqueira/Beret aumentarà eth sòn domeni esquiable enquias 90 quilomètres a compdar de deman, 27 de març, en tot coïncidir damb er inici de Setmana Santa. 

D’aguesta manèra se meterà en marcha parciauments era zòna de Beret,  que se somarà ara dubertura de Bonaigua e ar airau de Baquèira.