ACTUALITAT
Era Val d'Aran se trape en fasa de prealèrta INUNCAT pes episòdis de pluges d'aué
10/01/2022
Era Val d’Aran se trape pendent era jornada d’aué en situacion de prealèrta INUNCAT decretada per Proteccion Civila pr’amor dera acumulacion de pluges.
Aguesta prealèrta se some ara situacion critica decretada peth Centre de Lauegi deth Conselh Generau d’Aran, damb un perilh de lauegi fòrt-4 provocat pera abondant nhèu recenta, eth vent e er aigua.
Tot amassa, provòque un perilh important de botassi de tèrra e lauegi.
Deth Conselh Generau d’Aran ençà, demanam a tota era poblacion dera Val d’Aran prudéncia pendent aguesta jornada e desaconselham es excursions damb esquís e raquetes de nhèu, atau coma es activitats dehòra pista.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga