ACTUALITAT
Era Tronca de Nadau de Bagergue, mès solidària que jamès
25/12/2024
Es mainatges e mainades de Bagergue an celebrat ua naua edicion dera tradicionau Tronca de Nadau, ua hèsta qu’enguan a aquerit un significat fòrça especiau. Ath delà de mantier era magia e era illusion de cad’an, era Tronca de 2024 a estat un gèst de solidaritat damb es pòbles afectadi pera DANA en València
Es presents dera Tronca non an estat sonque joguets e doci, mès tanben libres crompadi en libraries de València qu’an sofrit es efèctes dera DANA. Aguesta accion vò èster ua mòstra de supòrt as comèrci e persones afectades pera catastròfa naturau.
Era iniciatiua dera Tronca de Nadau d’enguan non sonque a portat a as arridolets as mès petiti, mès tanben a servit entà ensenhar es valors dera solidaritat entre pòbles. Des de Bagergue, es mainatges e mainades an volut aportar eth sòn grante de sable entà ajudar as afectadi, en tot transméter un messatge clar: era solidaritat ei ua valor fonamentau entà enfortir es ligams entre pòbles, especiuaments en moments dificils.
Des dera EMD de Bagergue arregraïssen sincèraments as persones qu’an hèt possibla aguesta accion solidària. Enguan, era Tronca a estat mès que jamès un simbèu de comunitat e supòrt mutu.
HÒNT: EMD BAGERGUE
Des dera EMD de Bagergue arregraïssen sincèraments as persones qu’an hèt possibla aguesta accion solidària. Enguan, era Tronca a estat mès que jamès un simbèu de comunitat e supòrt mutu.
HÒNT: EMD BAGERGUE
Manu Moga