Era sindica d’Aran repren es sues visites as terçons dera Val d’Aran

10/05/2022

Pendent aguesta ronda de visites, que s’amiec a tèrme per perumèr còp era tardor passada, era sindica s’amassarà damb es alcaldes e alcaldesses de cada terçon e s’entrevistarà damb era ciutadania que, prèvia demana de cita, volgue amassar-se damb era e es conselhèrs/es deth govèrn en cada terçon entà plantejar-les es ahèrs que considèren

Era sindica d’Aran, Maria Vergés, acompanhada pes conselhèrs e conselhères deth govèrn en cada terçon, encetarà a compdar dera setmana que ven ua naua ronda de visites as diferents terçons dera Val d’Aran entà amassar-se damb es alcaldes e alcaldeses, recéber ara ciutadania qu’age bèth ahèr a expausar, e conéisher atau de prumèra man es besonhs de cada parçan.


“Aguestes visites, que dejà realizèrem era passada tardor per prumèr còp, responen ara volontat deth govèrn deth Conselh Generau d’Aran de potenciar era proximitat damb era ciutadania aranesa, conscients qu’era transparéncia e era comunicacion son qüestions clau entà, per un costat dar a conéisher eth trabalh qu’eth govèrn d’Aran amie a tèrme e, per aute, recéber es opinions e preocupacions des nòsti vesins e vesies” explicaue era sindica d’Aran.


Eth dimèrcles, 18 de mai, era sindica visitarà eth terçon de Castièro. Es persones que volguen mantier ua amassada damb era e damb es conselhèrs/es de govèrn en terçon, ac poiràn sollicitar en tot enviar un email a sindicatura@aran.org o telefonant tath 973 64 18 01.



HÒNT: CONSELH GENERAU D'ARAN 
Manu Moga