ACTUALITAT
Era pression espitalària ena Val d'Aran què leugèraments
15/02/2021
Era Val d’Aran artenh estabilizar es donades de naui contagis per Coronavirus, en tot notificar enes darrères 24 ores 9 casi positius. Ua donada, totun, encara nauta se s’a en compde qu’era poblacion deth parçan non arribe as 10.000.
Pera sua part, era pression espitalària semble que va en linha descendent. Hè ua setmana s’arribèc enquias 15 ingressadi en Espitau Val d’Aran, e aué dia son 12 es persones que requerissen d’espitalizacion.
Ues espitalizacions que poirien èster restacades damb era propagacion dera varianta britanica en Aran, pr’amor que segontes afirmèc eth secretari de Salut Publica de Catalonha, Argimon, era varianta britanica represente un 40% des naui casi en Aran.
Maugrat açò, eth nòste parçan a artenhut dividir entre tres eth risc de rebròt, que ara se trape en 970 punts, en tot deishar endarrèr es 3.000 artenhudi a finaus deth mes de gèr.
Un aute assolidatge ei er inici dera dusau campanha de vacunacion contra era malautia. Atau, dejà s’an administrat es prumères 100 dòsis dera vacuna d’AstraZeneca ath personau sanitari de dusau linha e personau essenciau d’Aran.
Pera sua part, era pression espitalària semble que va en linha descendent. Hè ua setmana s’arribèc enquias 15 ingressadi en Espitau Val d’Aran, e aué dia son 12 es persones que requerissen d’espitalizacion.
Ues espitalizacions que poirien èster restacades damb era propagacion dera varianta britanica en Aran, pr’amor que segontes afirmèc eth secretari de Salut Publica de Catalonha, Argimon, era varianta britanica represente un 40% des naui casi en Aran.
Maugrat açò, eth nòste parçan a artenhut dividir entre tres eth risc de rebròt, que ara se trape en 970 punts, en tot deishar endarrèr es 3.000 artenhudi a finaus deth mes de gèr.
Un aute assolidatge ei er inici dera dusau campanha de vacunacion contra era malautia. Atau, dejà s’an administrat es prumères 100 dòsis dera vacuna d’AstraZeneca ath personau sanitari de dusau linha e personau essenciau d’Aran.
Laura Rodríguez