ACTUALITAT
Era ostalaria dera Val d'Aran s'ahig ath projècte Hostelería #PorelClima
Aguesta accion liderada per Coca-Cola e ECODES cerque promòir era sostenibilitat entre eth sector dera ostalaria
Coca Cola, ECODES, eth Grèmi d'Ostaleria dera Val d'Aran e eth Conselh Generau d'Aran an presentat aué, ena sedença institucionau en Vielha, Hostelería #PorElClima, ua iniciativa contra eth cambi climatic ara quau s'an aderit 50 establiments ostalèrs de pòbles d’Aran coma Arres, Arties, Bossòst, Es Bòrdes, Garòs, Les, Salardú e Vielha. Hostelería #PorElClima ei eth projècte que, desvolopat per ECODES e Coca Cola, impulse era accion contra eth cambi climatic en sector dera ostaleria en España.
Damb aguestes naues adesions dejà son mès de 12.600 es establiments aderits ara iniciativa.
Diuèrsi des impactes que se vò hèr ei que toti es ostalèrs trabalhen damb producte de proximitat tà redusir eth consum de CO2 per transpòrt, hèsquen a servir lums LED, reciclen papèr e carton, envasi e vèire e agen un consum regulat d’aigua.
Hostelería #PorelClima neishec en 2017, dempús dera crida mondiau der Acòrd de París entà préner mesures de contribucion de fren tara emergéncia climatica.
