Bones noticies entà Bossòst: e ei qu’era sua oficina de torisme a enregistrat un 35% mès de visites aguest ostiu respècte eth passat. Una chifra que met de manifèst eth creishent interès des toristes ena localitat e era bona gestion realizada en er airau de torisme.

Era oficina, qu’a demorat dubèrta des deth 23 de junh enquiath 2 de seteme, en orari de maitin e de tarde, a arrecebut uns 2.500 visitants. Es francesi, es que mès visiten Bossòst, seguidi molt de pròp pes toristes dera rèsta de Catalonha.

Des der Ajuntament avaloren molt postivaments es excellenti resultats artenhudi.

Ua informacion que passe pes grani atractius de Bossòst, coma ei es rotes protectores des capèles, Aran Park e era rota des mines Margalida e Victòria. Tanplan, se demore que lèu se pogue incrementar aguesta auferta toristica.

Damb aguest exit, era prevision ei installar un punt permanent damb informacion toristica ena sedença consistoriau e un aute en exterior dera oficina de torisme.