Era problematica damb era N-230 siguec un des ahèrs centraus tractadi ena amassada mantenguda en Conselh Generau d’Aran damb era Delegada deth Govèrn en Catalunya, Teresa Cunillera, ena sua prumèra visita institucionau ath nòste parçan.

Es representants aranesi meteren dessús dera taula era allegacion conjunta presentada deuant deth projècte de Foment des dera boca nòrd deth Tunèl de Vielha enquiara termièra damb França.

Sigueren d’acòrd en qu’ei necessari realizar un estudi entà veir com se pòt equilibrar era melhora dera N-230 damb es interèssi d’Aran.

Pendent era amassada tanben se tractèc era regulacion dera circulacion de camions pera Val d'Aran pendent es dimenjades dera tempsada d’esquí, qu'aurie de garantir qu'ena N-230 non auesse circulacion de transpòrt pesat des deth diuendres pera net enquiath dimenge as 20.00 ores entà protegir era seguretat viau des torismes que circulen per aguest tram. En aguest sens, eth sindic d’Aran, a afirmat qu'era delegada deth Govèrn s'a comprometut a coordinar aguesta regulacion damb eth Govèrn d'Aragon.