Notícies d’esperança ena Val d’Aran, que semble que recupère oxigèn dempús d’ues setmanes frenetiques damb indicadors nauti e en aument. Atau, eth risc de rebròt ei plaçat aué en 1.500 punts, quan ena passada setmana s’artenheren es 2.000 punts. 

Ath delà, era velocitat de transmission dera Covid-19, mès coneishuda per RT, a descenut a 0,9. 

Per un aute costat, es naui contagis diaris s’an redusit de forma notabla, e enes darrères 24 ores sonque se n’an notificadi 4 naui casi positius, quan pendent era setmana passada era mejana siguec de 14 contagis per dia. 

En aguest sens cau arrebrembar qu’era situacion epidemiologica que se viu en país obliguèc hè dejà ues setmanes a desprogramar operacions en Espitau Val d’Aran.

Era pression espitalària contunhe era sua tendéncia ara baisha. Es pacients ingressadi ena planta Covid-19 der Espitau Val d’Aran son aué 7, quan ena passada setmana n’èren 13.