Beret acuelhec aguesta passada dimenjada eth Campionat d’Espanha de Muishing Nhèu, a on i preneren part mès de 150 participaires vengudi de tot er Estat Espanhòu.

Era FCEH artenhec 10 podiums, e un totau de 6 victòries, que corroboren eth bon estat fisic des múuishers e es cans deth país.

Ena pròva, organizada pera RFEDI, era FCEH e eth club Gos Artic, se podec gaudir de temperatures suaus e d'ua nhèu en excellentes condicions.

Eth campionat acuelhec era pròva de mieja distància e era de esprint, repartides es distàncies de 22 quilomètres entà mieja distància e 12,5 quilomètres, 8,2 km e 4,8 quilomètres entàs diferentes modalitats de esprint.

En çò que tanh ara categoria de mieja distància de trineu 12 cans , Carles Franch siguec eth mès rapid, e ena modalitat 6 cans, Lluís Cruz s'emportèc eth bronze.

Ena categoria de distàncies esprint e en Skijoring 1 can, era victòria siguec tà Víctor Carrasco, acompanhat en tresaua posicion per Santi del Valle.

Impecabla accion ena categoria des hemnes, qu'artenheren pintar eth podium de color catalan damb er aur de Marta Bosch, er argent de Laura Cuatrecases e eth bronze de Jordana Salvadó.

D’auta banda, Ramón Armengol acabèc en dusau lòc ena pròva des veterani, tot e qu'artenhec eth títol estatau.

Eth dusau lòc tanben l'artenhec Francesc Vallespí, seguit de Joan Mª Niubó, en Trineu 8 cans, mentres qu'en Trineu 6 cans eth veteran Lázaro Martínez pugèc ar esglaon mès naut. Tanben s'i pugèc ad aguest esglaon Pablo Ruiz, ena modalitat de Trineu 2 cans, a on compartic podium damb Moisés Valero, qu'artenhec eth tresau lòc.

En Canicròs, destaquèc era accion de Mar Rierola, qu'obtenguec ena categoria des fèmines era tresau plaça. En veterani, Nati Aler acabèc en tot emportar-se er argent.