Era exposicion itineranta "Piribus", en Vielha enquiath 5 d'octobre

27/09/2019

Sensibilizar e hèr a valer era identitat des territòris de montanha a trauèrs deth sòn auviatge. Aguesti son bèri des objectius dera exposicion itineranta Piribus, que s'a arturat aguesta setmana en cap-lòc dera Val d'Aran, Vielha.

Era exposicion deth Piribus ei dividida en quate encastres arrecuelhudi en 72 mètres quarradi plens de descubèrtes sensoriaus, digitaus e ludiques.

Era darrèra part tracte sus era biodiversitat, a on s'expliquen es cambis que i a agut ena flòra e era fauna des Pirenèus ath long des ans.

Per un aute costat, en aguesta apòsta pera educacion ambientau que s'a hicat eth projècte, eth Piribus acuelherà pes maitins a alumnes des escòles araneses.

Aguestes activitats paralleles ara exposicion sajaràn d'aprogondir en auviatge naturau deth nòste país. A trauèrs de talhèrs, conferéncies, e contacte damb era natura, dejà s’a planificat un calendari damb activitats plan interessantes

Eth Piribus, qu'acabarà en tot recórrer uns 6.000 quilomètres deth Pirenèu, se poderà visitar en Vielha, ena esplanada a on i auie era vielha casèrna des militars, enquiath dissabte 5 d'octobre.

Laura Rodríguez