Era Còlha Santa Maria de Mijaran, dera Val d’Aran, estree aguest fin de setmana eth sòn disc musicau recopilatòri dera sua trajectòria pendent aguesti 50 ans des que s’inicièc era sua activitat.

Ac hè en tot mostrat un recorregut per totes es musiques e estils que les an acompanhat en totes es sues exibicions a nivèu locau, nacionau e internacionau e en que i an participat 3 generacions tant de musics coma de persones que dancen. Un balanç positiu que se resumís en aguest disc damb eth prètzhèt de seguir en tot promòir era cultura deth territòri per tot eth mon.

Era Còlha Santa Maria de Mijaran ei er unic grop de dança dera Val d’Aran que jamès a dançat sense era sua musica en dirècte e aquerò supause un hèt diferenciau respècte d’autes disciplines.

Eth bar Saxo Blu de Vielha acuelherà pendent aguest dissabte e dimenge un concèrt a on se presentarà eth disc e se reviueràn es milhors moments deth grop des dera sua creacion.