ACTUALITAT
Era candidatura Pirinèus-Barcelona entàs JJOO de 2030, avalada peth COI
08/10/2018
Eth Comitat Olimpic Internacionau (COI) a dat lum verda ara candidatura Pirinèus-Barcelona entà que comence a trabalhar en ua prepausa concrèta entara organizacion d'uns Jòcs d'Iuèrn en an 2030. Aguesta decision s'a coneishut en Buenos Aires (Argentina), pendent ua amassada amiada a tèrme en marc des Jòcs Olimpics dera Joenessa. Aquiu, eth consultor deth COI, Gilbert Felli, que visitèc è un mes era Val d'Aran, a presentat un informe sus era sua visita de tres dies en Catalonha.
Es naui critèris der organisme internacionau priorizen aqueres candidatures que practicaments ja dispòsen des infrastructures de besonh entà poder organizar es Jòcs damb er objectiu d'evitar despenes extraordinàries. Un hèt qu'a ajudat a arténher aguest informe favorable que permet ara candidatura Pirinèus-Barcelona passar ara següenta fasa, ena que se formalizarà era precandidatura entath 2030.
Laura Rodríguez