Er aniversari se comencèc hè ues setmanes damb un parelh de concorsi. Per un costat, era 7au edicion deth Concors de Microrelats a trauès deth hilat sociau Twitter. Entà participar calie que cada usatgèr d’aguesta plataforma seguisse eth compde dera Bibliotèca, e que ’piulesse’ un relat de 280 caràcters. Enguan, era tematica escuelhuda entath concors siguec “Eth viatge dera vida”, en tot èster un microrelat de creacion pròpria e que non age estat premiat en d’auti concorsi.


Ath delà, tanben se celebrèc eth 6au Concors de fotografia “Eth mèn repopet”, qu’amie a tèrme era Bibliotèca, amassa damb er Ajuntament e er airau de Pediatria der Espitau Val d’Aran. Aguest concors preten mostrar era vida vidanta des repopets: ath torn deth leitatge maternau, es jòcs, es minjars, eth dromir…

En çò que tanh as activitats pròpries d’aguesta setmana, eth calendari ei eth següent:

– Deluns 21 de Noveme: Entàs 18:00 ores, presentacion deh libre “La colina del telégrafo” de José Luis Muñoz

– Dimèrcles 23 de Noveme: Entàs 17:30 ores, celebracion d’ua naua edicion dera activitat Iòguicondes en Família damb Silvana Penino. I a places limitades. Entà reservar plaça cau trucar ath telefòn 973640768.

– Dijaus 24 de Noveme: Entàs 18:00 ores, entrèga des prèmis de fotografia e de microrelats.

– Diuendres 25 de Noveme: Entàs 17:30 ores, Condes entà tota era Família damb Suénha-te.


HÒNT: AJUNTAMENT VIELHA E MIJARAN