Era associacion Es Paums grave un videòclip deth poèma musicat Oxitonia

19/12/2020

Aguesta dimenjada Vilamòs a compdat damb mès afluéncia de gent de çò qu’ei abituau. e ei qu’era associacion Es Paums a estat de rodatge. 

En aguest cas s’a gravat un vidèoclip d’un poèma musicat pera madeisha associacion. 

Eth poèma Oxitonia der autor Xavi Gutiérrez, guierdonat damb eth prèmi Lengua Viua, ei, atau, eth protagonista d’un videoclip que veirà era lum a compdar de gèr a trauèrs des hilats sociaus. 

Ua vintea d’actors, era majoria deth país, dan vida a Oxitonia, que transcor per diuèrsi scenaris magics de Vilamòs.

Tanben an aprenut fòrça gràcies ara collaboracion d’ua actritz professionau.

Era màgia de Vilamòs ei reflectida en vidèoclip, qu’en aguesta epòca de pandèmia que mos tòque víuer, çò que vò ei contagiar ara gent d’alegria e optimisme.

Laura Rodríguez