ACTUALITAT
Er executiu aranés presentarà eth sòn Plan de Govèrn tàs pròplèu 4 ans
13/11/2023
Pendent er acte se presentaran es principaus politiques e accions a desvolopar pendent es pròplèu ans enes diferenti airaus que gestione eth govèrn deth Conselh Generau
Aguest diuendres, 17 de noveme, era equipa de govèrn deth Conselh Generau d’Aran aufrirà era presentacion deth Plan de Govèrn entara legislatura 2023-2027, qu’aurà lòc ena Sala d’Actes deth Conselh entàs 19 ores.
“Deth govèrn deth Conselh Generau d’Aran plantejam aguest acte de presentacion coma ua mòstra de transparéncia, entà dar a conéisher ara ciutadania quini son es nòsti projèctes de futur e atau apropar tanben era institucion as persones”, afirmaue era sindica d’Aran, Maria Vergés.
Pendent aguest acte, era sindica d’Aran e es conselhèrs e conselhères de govèrn plantejaràn es principaus politiques e accions a desvolopar pendent es pròplèu ans enes diferents airaus (atencion as persones, ramaderia, innovacion, sostenibilitat, torisme, promocion economica, etc).
Es persones que volguen assistir ar acte pòden confirmar era sua assisténcia en email [email protected] o en tot telefonar ath 973 64 18 01.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga