ACTUALITAT
Er aranés May Peus torne a èster escuelhut president dera RFEDI
26/06/2022
Peus encare eth sòn tresau mandat coma president dera Reau Federacion Espanhòus Espòrts d'Iuèrn (RFEDI-Spainsnow) dempús d'èster reelegit pera Assemblada Generau celebrada eth dissabte 25 de junh ena sedença dera entitat en San Sebastián de los Reyes (Madrid), en tot arténher 26 vòts deuant ar aute candidat, Oscar Cruz Dalmau, que n'artenhec 14
May Peus Espanha, que siguec escuelhut president de RFEDI per prumèr còp eth 20 de seteme de 2014, siguec reelegit en dusau mandat eth 30 de junh de 2018. Era Assemblada Generau d'era RFEDI li a renauit eth 25 de junh de nau era confidança entath cicle olimpic 2022-2026.
Eth resultat finau dera votacion a estat de 26 vòts en favor deth candidat aranés per 14 deth candidat de Barcelona. Eth president reelegit a arregraït ara Assemblada era reconeishença e supòrt majoritari e a comentat que "aguesta ei ua victòria de tota era equipa que forme aguesta federacion e dera illusion e enòrme trabalh que metem cada dia entà arténher qu'es espòrts d'iuèrn en Espanha contunhen en tot créisher".
Era Assemblada Generau que vòte era presidéncia ei formada per 41 membres, e aguest dissabte sonque un non a pas pogut èster present. An depausat eth sòn vòt ena urna 13 presidents de federacions autonomiques, 14 clubs, 7 esportistes, 4 tecnicians e 2 representants de jutges e delegadi tecnicians. Entre es assambleistes i a membres deth naut nivèu esportiu coma eth campion deth mon Lucas Eguibar, eth hondiste Jaume Pueyo, es mushers Ismael Mediavilla e Víctor Carrasco ath delà des esquiaires Quim Salarich e Albert Ortega Fornesa.
Manu Moga