Eth darrèr plen dera actuau legislatura der Ajuntament de Vielha e Mijaran a aprovat per unanimitat eth Plan Locau de Joenessa, que serà vigent enquiath 2021.

Aguest plan nèish coma responsa a uns besonhs des joeni, que pendent diuèrsi ans s’an anat detectant autant pera Oficina de Joenessa, coma pes tecnics dera Generalitat de Catalunya, e pes principaus sectors de joenessa de Vielha e Mijaran.

Eth centre de joenessa de Vielha e Mijaran, Antara, se convertirà d’aguesta forma en er èish vertebrador d’aguest Plan de Joenessa aprovat en Plen. Ua demostracion mès qu’eth consistòri hè entà suenhar es joeni deth municipi e ajudar-les en sòn creishement e desvolopament personau.

Arrebrembam qu’eth Centre de Joenessa Antara, que se trape en antic aucidèr de Vielha, ei dubèrt pendent totes es dimenjades. Un equipament que permet qu’es joeni poguen amassar-se e amiar a tèrme activitats.