Dus motoristes herits en Pòrt dera Bonaigua dempús de tustarrar damb un cèrvi

13/10/2021

Dus motociclistes resultèren herits de diuèrsa consideracion dempús de picar damb era mòto ena que viatjauen damb un cèrvi ena carretèra C-28, en Pòrt dera Bonaigua, en tèrme municipau der Alt Àneu.


Es hèts debanèren dimenge ath ser en punt quilometric 54,5 er avís se dèc tàs 20:18. Segontes eth Servici Catalan de Transit, un cèrvi irrompec ena via e ua mòto que i circulaue en direccion Esterri d'Àneu i piquèc.


A conseqüéncia der accident resultèren herides dues persones, ua en estat grèu e era auta de caractèr leugèr. Es dus herits sigueren transportadi pes Pompièrs d'Aran a un centre espitalari. Segonte a informat Cataluny Ràdio, era herida grèu ei ua hemna de 33 ans damb ua cama trincada. Eth herit leugèr ei un òme de 41 ans.


HÒNT: PALLARS DIGITAL
Manu Moga