ACTUALITAT
Comencen es estudis de tecnologia satellitau auançada ena Val d'Aran
05/05/2022
Ath long d'aguesta setmana, eth Conselh Generau d'Aran, amassa damb Mobile World Capital, Hispasat e Arantec, an començat es estudis sus eth terren ena Val d'Aran entà auançar en sòn projècte de tecnologia satellitau auançada, en marc deth sòn acòrd de collaboracion.
Eth Conselh Generau d'Aran ei comprometut damb era apòsta pera innovacion e era diversificacion dera economia deth nòste territòri, e projèctes coma aguest supausen ua grana oportunitat entara Val d'Aran pr'amor qu'aurà aplicacions en sectors claus coma era ramaderia o era atencion as persones.
HÒNT: CONSELH GENERAU D'ARAN
Eth desplegament dera tecnologia satellitau permeterà disposar de cobertura de qualitat en entorns actuaument isoladi ena Val d’Aran.
Cau rebrembar qu'aguest acòrd establís tanben er impuls de solucions centrades en airaus coma era gestion des emergéncies e risqui naturaus, eth torisme o eth contròl dera fauna, entre d’auti.
Eth Conselh Generau d'Aran ei comprometut damb era apòsta pera innovacion e era diversificacion dera economia deth nòste territòri, e projèctes coma aguest supausen ua grana oportunitat entara Val d'Aran pr'amor qu'aurà aplicacions en sectors claus coma era ramaderia o era atencion as persones.
HÒNT: CONSELH GENERAU D'ARAN
Manu Moga