ACTUALITAT
Comence era produccion de gèu ena pista deth Palai de Gèu de Vielha
20/09/2022
Ei previst qu'enes pròplèu dies ja se pogue daurir ath public
Des der Ajuntament de Vielha e Mijaran trabalham ena produccion de gèu ena pista deth Palai, coma fasa finau des òbres entà qu'aguest equipament pogue èster operatiu enes pròplèu dies.
Un viatge installadi es naui compressors, podem auançar damb era elaboracion de gèu e poder aufrir eth 100% des servicis deth Palai de Gèu.
Eth baile de Vielha e Mijaran, Juan Antonio Serrano, a visitat personaument aguesti trabalhs, en tot verificar qu'auancen damb rapiditat entà qu'a compdar de diuendres se pogue acuélher un stage de tecnificacion de patinatge artístic dera Federació Catalana d'Esports d'Hivern, coma inici d'emplec normau d'aguest equipament municipau.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga