ACTUALITAT
Canejan, Vielha e Vilamòs arreceberàn ajudes dera UE entà impulsar energies limpies
12/03/2023
15 projèctes en Lhèida an arrecebut ajudes deth hons Next Generation dera UE entà impulsar es energies renovables e era eficiéncia energetica en municipis d'enquia 5.000 abitants
Eth secretari generau entath Rèpte Demografic, Paco Boya, expliquèc qu'es beneficiaris deth DUS 5000 en Lhèida son eth conselh der Urgelh e es ajuntaments d'Aitona, Canejan, Castillo de Mur, Ciutadilla, Gavet dera Conca, Juncosa, Sudanell, Soses, Tornabous, Torrefarrera, Vielha e Vilamòs.
Eth secretari generau entath Rèpte Demografic, precisèc qu'era lista de sollicituds aprovades ei provisionau, arrebrembèc qu'era dotacion deth DUS 5000 creishec en diuèrses escasences e afirmèc qu'er Estat estúdie dar ua dusau oportunitat a projèctes excludidi, 174 prepauses de 107 municipis.
Er objectiu deth PROGRAMA DUS 5000 ei dar un impuls ath Desvolopament Urban Sostenible, enes municipis de rèpte demografic, mejançant accions que constituïsquen projèctes singulars d'energia neta coma per exemple projèctes d'eficiéncia energetica en bastisses e infrastructures publiques, de foment des inversions verdes e, en particulara, der autoconsum, atau coma de mobilitat sostenible, en tot facilitar eth cambiament modal e en tot garantir era participacion des municipis en desplegament dera infrastructura de recargue e impuls deth veïcul electric, en tot includir mesurades d'estauviament energetic e reduccion dera contaminacion luminica mejançant era melhora der enlumenat public.
HÒNT: ARAN NOTÍCIES WEB
Er objectiu deth PROGRAMA DUS 5000 ei dar un impuls ath Desvolopament Urban Sostenible, enes municipis de rèpte demografic, mejançant accions que constituïsquen projèctes singulars d'energia neta coma per exemple projèctes d'eficiéncia energetica en bastisses e infrastructures publiques, de foment des inversions verdes e, en particulara, der autoconsum, atau coma de mobilitat sostenible, en tot facilitar eth cambiament modal e en tot garantir era participacion des municipis en desplegament dera infrastructura de recargue e impuls deth veïcul electric, en tot includir mesurades d'estauviament energetic e reduccion dera contaminacion luminica mejançant era melhora der enlumenat public.
HÒNT: ARAN NOTÍCIES WEB
Manu Moga