Bossòst, Marignac e ATICA impulsen un portau únic transtermièr

17/11/2021

Era Associacion Transtermièra d'Innovacion Comenges-Aran aufrirà en ambdús municipis un punt d'orientacion laborau e juvenila

Es bailes de Bossòst e Marignac, Amador Marqués e André Campagne, respectivament, e representants dera Associacion Transtermièra d'Innovacion Comenges-Aran (ATICA), Sandrine Fabre e Joël Gros, s'an amassat aguesta setmana ena sedença der Ajuntament dera localitat francesa entà establir ua collaboracion transtermièra en diuèrsi contorns d'interès comun, coma era orientacion juvenila, er abitatge, era mobilitat, era recèrca d'emplec, er estatut der alumne transtermierèr o er emparament sociau e sanitària.


Frut d'aguesta amassada, es ajuntaments tanhudi e era entitat an acordat er inici d'un portau unic transtermierèr que se basarà en aufrir supòrt, informacion e orientacion de tot tipe, sustot laborau, entara ciutadania d'ambdús costats dera termièra, especiuament joena. ATICA s'encargarà de prestar aguest servici a compdar deth mes de deseme e serà plaçat en un espaci abilitat a tau efècte en ambdues dependéncies municipaus.


"Maugrat es trebucs de tot tipe damb que mos trobam, coma eth barrament deth Portilhon, nosati, peth contrari, volem intensificar es relacions damb es nòsti interlocutors francesi, donques que compartim un espaci comun, mès de besonh que jamès entà apropar ara ciutadania es servicis d'ambdús costats dera termièra", a explicat eth baile de Bossòst, Amador Marqués.


HÒNT: AJUNTAMENT DE BOSSÒST
Manu Moga