ACTUALITAT
Barradi es accessi enes ribères dera Artiga de Lin e Varradòs
09/12/2024
A causa dera nheuada abondiua des d’aué 7 de deseme enquia eth deluns dia 9 ath torn de 1 mètre de nhèu damb vent fòrt, queden barradi es accessi enes ribères dera Artiga de Lin e Varradòs
Des deth Centre de Lauegi d’Aran, se demane respècte as senhalizacions e prudència ena circulacion damb veïcul per quinsevolh des carreterès e pistes dera Val.
Podetz consultar eth mapa actualizat der estat des pistes en: https://lauegi.report/conditions/pistes
Podetz consultar eth mapa actualizat der estat des pistes en: https://lauegi.report/conditions/pistes
Mesures de prevencion:
En casa:
Barra e assegura es pòrtes e hièstres.
Non dèishes dehòra objèctes, coma pòts de flors, sense estacar.
Hè un us corrècte dera calefaccion, desconnècta es aparelhs electrics que non siguen de besonh.
En cas que s’acumule nhèu enes balcons o terrasses non la lances tara via publica.
En exterior:
Non vages tà lòcs nauti e exposadi ath vent
Evita es zònes de bòsc, pòden quèir branques o arbes.
Evita es activitats damb huec
Evita gésser de casa. S’ac as de hèr, abriga-te com cau
Evita es esfòrci fisics intensi
Non dèishes qu’es persones de mès edat ne es mès petiti gesquen tà dehòra
En coche:
Se t’as de desplaçar, consulta es prediccions e er estat des carretères
Extrèma era precaucion ena carretèra
HÒNT: CENTRE DE PREDICCION DE LAUEGI/POMPIÈRS D'ARAN
HÒNT: CENTRE DE PREDICCION DE LAUEGI/POMPIÈRS D'ARAN
Manu Moga