Baqueira/Beret inaugure era sason eth diuendres 11 de deseme

26/11/2020

Dempús de dies d'incertitud e debat, Baqueira/Beret a informat que iniciarà era sason eth diuendres 11 de deseme, ua setmana mès tard de çò qu’ère previst. E ac harà en tot daurir unicaments era zòna de Baqueira, s'es condicions de nhèu ac permeten, e en tot aplicar es mesures sanitàries establides pes autoritats.

Era prevision ei qu’a compdar deth 21 de deseme, dia en qu’era Generalitat demore lheuar totes es restriccions de mobilitat, era estacion aranesa daurisque es auti tres sectors esquiables. 

En çò que tanh as principaus nauetats dera sason, suberges era digitalizacion des sòns servicis.

Milhores tanben en sistèma de produccion de nhèu de Baqueira/Beret. En aguest sens, dejà s’a acabat era naua bassa d'aigua de Beret. Tanben s’an renauit es innividors mès vielhi e s’i an bastit 16 de naui, en tot passar de 710 unitats as 726 actuaus en tota era estacion.

Pera sua part, es prètzi des fofaits se congelen respècte est an passat. 

Laura Rodríguez