Baqueira-Beret ja premanís es hèstes de Magràs d’enguan damb grani celhs de nhèu, dempús des fòrtes nheuades qu’a patit era Val d’Aran pendent es darrèri dies. Es pròplèus 10 e 11 de hereuèr era estacion organize diuèrsi actiuetats entà gaudir d’ua dimenjada de nhèu e fòrça diversion.

Se demore que damb es lèu 2 mètres de nhèu acantieradi que i a ara madeish, e s’era climatologia acompanhe, es pistes se poguen aumplir de fòrça esquiaires, en tot gaudir d’ua bona qualitat de nhèu.

Eth dia 10 i aurà eth Ski Ralli fotografic de disfrassi en tot combinar er espòrt damb Magràs. E ath delà, es dies 10 e 11, i aurà d’ues competicions classiques ena estacion. Per un costat, era Audi Quattro Cup-Trofeig Amics de Montgarri e El Dorado Freeride Junior. Per tant, se demore que sigue ua dimenjada plia de nhèu, diversion e competicion, damb ues condicions extraordinàries entà practicar er esquí en milhor scenari possible.