Baqueira-Beret cada an compde damb mès esquiaires en Madrid, qu'enguan segur se veiràn incrementadi mercés ara desliurança de peatge en tram d'autopista entre Saragossa e Lhèida qu'ajudarà a economizar en transpòrt.

Era gira pera peninsula, qu'arribèc tanben en cap-lòc d'Espanha, arribarà a un totau de 12 ciutats espanhòles enes que se promò, non sonque era destinacion dera estacion d'esquí, senon tanben es vals a on ei plaçada.

Dempús deth barrament pera Covid-19 es responsables de Baqueira-Beret an creigut avient apropar-se de nau ath sòn public d'ua manèra presenciau entà informar de forma mès dirècta e amena dera sua aufèrta de nhèu e activitats.

Es principaus nauetats que presente era estacion entad aguesta sason 2021-2022 les trobaram ena zòna de Beret damb mès quilomètres nheuadi e dus telesères naui TSD Clòt der Os e TQ Pla de Beret.

Xavi Ubeira, director comerciau de Baqueira-Beret, a comentat que «es nheuades des darrères setmanes an disparat es resèrves de cara ath pònt dera Constitucion e Nadau. Notam, clarament, fòrça desirs de nhèu per part des esquiaires e snowboarders que saben qu'ac dam tot sason dempús de sason en aufrir era maximala qualitat enes nòstes installacions e servicis».


HÒNT: TORISME VAL D'ARAN