Grana noticia entar espòrt aranés, en tot auer-se coneishut qu'eth freerider de Les, Aymar Navarro, a estat escuelhut coma Milhor Esquiaire Europeu der an, pera revista especializada Downdays. Navarro auancèc diuèrses rondes enquiara votacion finau, a on superèc ara estrelha deth freeski mondiau, eth suedés Henrik Harlaut. Damb aguest prèmi, eth freerider finalize eth qu'a estat seguraments eth sòn milhor an esportiu. 

Aymar Navarro, enguan, ja participèc en una pròva deth Freeride World Tour, damb un gran 3au lòc en pòdium dera competicion celebrada en Andòrra. Hè pòqui dies, Navarro confirmèc qu'en 2018 disputarà tot eth circuit deth Freeride World Tour, gràcies a auer obtengut ua 'Wildcard' per part dera organizacion. Serà eth prumèr viatge qu'un esquaire espanhòu participe en aguest circuit de freeride. Per tant, poderam veir a Navarro enes quate pròves de classament qu'auràn lòc en Japon, Canadà, Andòrra e Àustria.