S’a amiat a tèrme ua naua amassa de coordinacion dera carretèra Nacionau 230 ena qu’an participat Mossos d’Esquadra, autant coma bailes des ajuntaments, es quaus, era carretèra passe peth sòn pròpri parçan.

Era  N-230 se caracterize per èster, pendent es darrèri ans, ua via damb nauta sinistralitat pr’amor qu’era nauta preséncia de veïculs articuladi e es condicions orografiques e climatologiques la hèn especiaument perilhosa.

En an 2019 se sollicitèc ath ministre de Foment que s’estudièssen mesures qu’ajudèssen a palliar aguest risc e, en aguest sens, s’aprovèc era restriccion deth pas de veïculs articuladi de mercaderies pendent era tempsada d’esquí, qu’ei quan aguesta via compde damb ua major afloéncia pr’amor dera arribada deth torisme. Enguan era intencion ei era de torna’c a sollicitar.

Pendent era sason d’iuèrn 2019-2020 s’artenhec limitar eth pas des camions de diuendres a dimenge entre es localitats de Benabarre (Òsca) e era termièra francesa dera Val d’Aran, ua mesura fòrça ben acuelhuda en territòri e qu’eth govèrn deth Conselh Generau d’Aran instarà repréner.