Un viatge passadi aguesti dies hestius, era Val d’Aran dejà pòt afirmar qu’eth torisme a ressuscitat pendent aguesti dies de Setmana Santa. Era afluéncia de gent en parçan a estat eth denominador comun ena passada setmana, e sustot ena darrèra dimenjada.

Es aucupacions otelères demòstren qu’Aran a estat era eleccion toristica de molti, e eth sector dera Ostalaria aranés afirme que s’an superat es expectatives que s’auien en un inici.

Es restriccions de mobilitat actuaus an hèt a dessenhar un nau perfil de visitant pendent aguesta Setmana Santa.

Ua Setmana Santa atipica qu’a artenhut atrèir non sonque ath visitant esquiaire, senon tanben ad aqueth mès interessat ena natura, en senderisme o ena gastronomia. 

Eth 90% d’eri, catalans, tot e qu’afirmen qu’an trapat bèth torista de d’auta comunitat autonòma e tanben de païsi com Portugal o França.