AUE TV

    ACTUALITAT

    1. AUE TV
    2. ACTUALITAT

    Amador Marqués (UA-PSC), eth prumèr Deputat electe aranés en Congrès des Deputats en Madrid

    23/07/2023

    Er enquia hè pòques setmanes baile de Bossòst e actuau vicesIndic prumèr deth Conselh Generau d’Aran, Amador Marquès, serà er unic representant der Alt Pirenèu e Aran enes corts espanhòles

    A trauès des sòns hilats sociaus, Amador Marqués, a dat es “gràcies de tot còr a toti e totes! Fòrça gràcies ara gent d’Aran, de Lleida, deth Pirenèu pera vòsta confidança en aguestes eleccions!” e a ahijut “demoram èster ara nautor d’aguesta responsabilitat per ua democracia mès fòrta, per seguir en tot auançar ena senda d’un país mès just e cohesionat”.


    Amador Marqués, neishec en Vielha en 1984. Ei Licenciat en Jornalisme pera Universitat Autonòma de Barcelona, damb estudis de Filosofia e teologia pera UNED. Collabòre en diari SEGRE damb ua colomna d’opinion escrita en aranés.


    Actuaument, Marqués, ei vicesindic 1èr deth Conseelh Generau d’Aran e conselhèr deth Departament de Governacion, Innovacion, Economia e Torisme. Entre 2015 e 2023 siguec baile de Bossòst e de 2019 a 2023 deputat provinciau ena Diputació de Lleida per Unitat d’Aran.


    Eth PSC a guanhat es eleccions ath Congrès des Deputats ena Val d’Aran. Atau madeish, passe d’un a dus deputats ena demarcacion de Lleida.


    HÒNT: ARAN NOTÍCIES WEB


    Manu Moga
    Tornar