Eth Centre de Recorsi Pedagogics dera Val d’Aran amassa damb  mèstres e professors des lengües estrangères des centres educatius deth territòri, an premanit ua jornada en Palai d’Espòrts de Vielha enfocat entara mainadera de 5au e 6au de primària a on auien d’amiar a tèrme ua espècie de gymkana en tot apréner e compartir experiéncies damb er anglés e eth francés.

En aguest sens, es responsables de cadua des estacions qu’auien de superar es mainatges, èren es mainatges de 4au d’ESO der Institut d’Aran, en un clar pònt generacionau que vò representar es inicis en aprenentatge des lengües estrangères amassa damb era confirmacion damb eth pas des ans.

En aguesta activitat an participat escolans de totes es escòles ruraus dera Val d’Aran autant coma era de Vielha. Era valoracion a estat tanplan positiua.