AUE TV

    ACTUALITAT

    1. AUE TV
    2. ACTUALITAT

    Aguesta dimenjada arribe era 43au edicion dera Marxa Beret

    01/02/2023

    Es dies 4 e 5 de hereuèr arribe, un an mès, era naua edicion dera pròva d’esquí nordic mès assolidada que se realize en territòri nacionau

    Eth 4 e 5 de hereuèr arribe era 43au edicion dera Marxa Beret, era pròva d’esquí nordic mès assolidada que se realize en territòri nacionau.


    Eth dissabte 4 de hereuèr, entàs 10:00 ores, se celebrarà era pròva “Sprint”, qu’aguesta edicion serà tanben Campionat d’Espanha de Sprint.


    Eth dimenge, dia 5 de hereuèr, se disputarà era 43au edicion dera Marxa Beret, damb un circuit popular de 10 km ena zòna de Beret e Orri; eth de 21 km ena zòna de Beret, Orri e Montgarri e fin finau eth circuit de 42 km ena zona de Beret, Orri, Montgarri e direccion Marimanha.


    Era Marxa Beret ei organizada peth Conselh Generau d’Aran, dera man de Baqueira Beret e eth Conselh Esportiu dera Val d’Aran. Compde damb era collaboracion dera Associacion Volentaris Val d’Aran, er Ajuntament de Vielha e Mijaran, er Ajuntament deth Naut Aran, Pompièrs d’Aran, Aran Salut, Mossos d’Esquadra, INS d’Aran, ath delà dera Reau Federacion Espanhòla Espòrts d’Iuèrn (RFEDI), era Federació Catalana d’Esports d’Hivern (FCEH) e es disparièrs patrocinadors.


    HÒNT: CONSELH GENERAU D'ARAN 
    Manu Moga
    Tornar