ACTUALITAT
800 artistes prenen part deth 1èr. Concors de pentura de Naut Aran
25/06/2022
Er Ajuntament de Naut Aran a inaugurat en Parador d’Arties, plaçat en aguesta poblacion, era exposicion apertenenta ath Prumèr Concors de Pentura Naut Aran Baqueira qu’a coma objectiu dar a conéisher era zòna ath major nombre de persones possibles
En aguest sens, cau destacar qu’en concors qu’organizèc eth consistòri se presentèren ath torn de 800 òbres provenentes de diferenti punts deth mon pr’amor qu’ère un concors d’encastre internacionau promoigut pera plataforma ‘Mundo Arti’, referéncia deth sector pictòric. D’aguesta manèra, d’aguest gran nombre se hèc ua seleccion des 50 milhors òbres que se n’expausaràn fin finau un totau de 43.
Aguesti 43 artistes qu’an presentat es sues pentures e an estat seleccionadi, an competit entà emportar-se es dus grani prèmis qu’a destinat er Ajuntament de Naut Aran e que corresponen a 6.000 èuros entara milhor òbra e 3.000 èuros entara dusau milhor.
Justament, eth baile de Naut Aran, César Ruiz-Canela, destaque que “aguest Prumèr Concors de Pentura Naut Aran Baqueira a trincat totes es nòstes expectatives. Non mos demoràuem que s’arribèssen a presentar ath torn de 800 persones e a estat ua grata sorpresa. Er unic requisit reau que metérem ère que, eth quadre, auie èster pintat sus un paisatge deth nòste territòri, dera nòsta zòna, entà atau poder promoiguer-lo en un futur”.
Justament, eth baile de Naut Aran, César Ruiz-Canela, destaque que “aguest Prumèr Concors de Pentura Naut Aran Baqueira a trincat totes es nòstes expectatives. Non mos demoràuem que s’arribèssen a presentar ath torn de 800 persones e a estat ua grata sorpresa. Er unic requisit reau que metérem ère que, eth quadre, auie èster pintat sus un paisatge deth nòste territòri, dera nòsta zòna, entà atau poder promoiguer-lo en un futur”.
Ath sòn torn, eth comissari deth concors, Ignacio Martínez, concrète que “es òbres presentades son d’ua grana qualitat tecnica pr’amor que i a diuèrsi estils e segur que, entà hèr aguesti trabalhs, es artistes an auut de dedicar dies, setmanes e segurament mesi. Credem qu’era gent a volut participar pr’amor qu’ei un des majors prèmis que s’apòrten en aguesti concorsi”.
Eth prumèr prèmi a estat entath autor Josep Maria Solà Colomer damb eth quadre “Tardor en Unha e Salardú”.
Eth prumèr prèmi a estat entath autor Josep Maria Solà Colomer damb eth quadre “Tardor en Unha e Salardú”.
Eth dusau prèmi a estat entara autora Mayra d’Amore damb era òbra “Salardú emblanquinat”.
HÒNT: AJUNTAMENT DE NAUT ARAN
HÒNT: AJUNTAMENT DE NAUT ARAN
Manu Moga