Er ajuntament de Vielha e Mijaran a aprovat ena darrèra session plenària era concession administratiua a 4 establiments deth cap-lòc entà acabar de dar compliment ara actuau ordenança municipau que regule era aucupacion der espaci public damb taules e cagires. Aguesta concession s’admet ad aguesti establiments, en tant que compden damb espacis barradi e non se pòden qualificar coma terrasses.

Per tant, era ordenança contemple terrasses e concessions administratiues, e a cad’ua se li aplique ua taxa desparièra. Aguestes concessions s’an aprovat damb es vòts favorables deth govèrn municipau d’Unitat d’Aran, mentre que Ciutadans a votat pera abstencion e Convergéncia Democratica Aranesa a votat en contra, pr’amor que pensen qu’eth govèrn hè un emplec ara carta dera ordnança.

Ath delà, Convergéncia tanben a demanat en plen pera possibilitat d’elaborar eth POUM enguan e susvelhar era baisha disponibilitat actuau que i a de cavòts en cementèri de Vielha.