Dejà s’a installat eth sonometre entath mesurament acostic dera N-230. Ua accion que forme part der Estudi Mieiambientau d’aguesta carretèra que realize eth Conselh Generau d’Aran e a on s’analizarà era emission de gasi e era contaminacion acostica dera nacionau ath sòn pas pera Val d’Aran.

Es resultats d’aguest prumèr mesurament se compararàn damb un dusau que se realizarà quan eth trafic de camions ena N-230, que pòrte lèu un mes talhat per motius de seguretat ena poblacion de Saint-Béat, s’age restablit.

Uns mesuraments que coincidissen damb era decision de Foment de méter a informacion publica eth sòn estudi de milhora d’aguesta carretèra e que contemple trebalhs d’increment dera seguretat des conductors des de Sopeira enquiara boca sud deth Tunèl de Vielha.