Pendent aguesta setmana er Ajuntament de Vielha e Mijaran a començat a realizar diuèrsi trebalhs de milhora deth sistèma de filtres der aigua dera piscina exteriora deth Palai de Gèu e era de Gausac.

Se traperen quauques deficéncies en moment de realizar es trebalhs de manteniment entara sua dubertura e des d'alavetz eth consistòri trebalhe damb es servicis tecnics entà apariar-les e auer aguestes infraestructures en perfèctes condicions entà que se poguen gaudir a compdar deth mes de junhsèga.

Ambdues piscines son climatizades, an un tractament especiau, e per aquerò, s'an d'amiar a tèrme aguestes milhores de manèra urgenta en tot retardar eth periòde de dubertura abituau.

Ath delà dera piscina de Vielha, er ajuntament ajudarà economicament ara EMD de Gausac en tant qu'ei era unica piscina publica qu'ara madeish i a en municipi des d’hè fòrça ans.

Segontes eth còsso d'Espòrts e Joenessa de Vielha e Mijaran, Alberto López, “des der ajuntament volem qu'es nòsti vesins e visitaires poguen gaudir des nòstes installacions damb era milhor qualitat possibla, per aquerò auem agut d'endarrerir era dubertura des piscines”